മഞ്ഞുകാലം

ഒരു മഞ്ഞു കാലം കഴിഞ്ഞു പോയ് മരുവിന്‍റെ
താപമെന്‍ നെഞ്ചിലുരുകുമ്പോള്‍
ഒരു പുലരിയില്‍ കാറ്റു മന്ത്രിച്ചതെന്തോ?
അറിയില്ല അതു നിന്‍റെ വിരഹമാണോ.

ഞാനെന്‍റെ കൈവിരല്‍ത്തുമ്പിനാല്‍ 
നിന്‍ ഹ്യദയഭിത്തിയില്‍ കുത്തിക്കുറിച്ചവ
ഒരുമാത്ര കണ്ണുകള്‍ ചുംബിച്ചു പോയവ
അടരുവാന്‍ വയ്യാതെ ഉള്ളില്‍ പിടഞ്ഞവ

         ഒരു നിയോഗം പോലെ ഏതോ വിഭാതത്തില്‍
         ഞാനുമീ നിഴലിലൊന്നായി മാറി
         ഓര്‍മ്മകളെന്‍റെ മിഴിത്തുമ്പിലുണ്ടൊരു
         ദീപമായ് അകലാതെ അണയാതെ.

         പുസ്തകത്താളിലെ മയില്‍പ്പീലി പോലെ
         ഉള്ളിലൊളിപ്പിച്ച പ്രണയ വര്‍ണ്ണങ്ങളും.
         മിഴിവാര്‍ന്ന സൌഹ്യദ ചിത്രങ്ങളും
         നേര്‍ത്ത ഹിമബിന്ദു പൊലെയെന്‍ മനസ്സില്‍

         ഓര്‍മ്മകളെന്‍റെ ഇടനാഴികളിലെവിടെയോ 
         വലിച്ചെറിഞ്ഞെന്നോ പടിയിറങ്ങിപ്പോയ്